 |
You are not currently logged in. Are you accessing the unsecure (http) portal? Click here to switch to the secure portal. |
Page:Cod.icon. 393 I 299r.jpg
Revision as of 20:35, 7 August 2018 by Michael Chidester (talk | contribs)
Alia
Si quispiam brachium utrunque tuis itidem utrisque subiicere conabitur, tum de superne rursum brachia utraque externe cubitis ipsius hostis supponas, atque sub cubitis brachia tua concludas. Inde si sustuleris, brachia eius disrumpas.
Poteris etiam gutture correpto retrorsum hostem pellere.
Alia
Si inferne brachia tua consistant, guttur adversarii corripere quibis vel maxillam, nec non collum retrorsum pro viribus urgeas, sed diligenter curabis ut brachia tua acurate brachiis ipsius hostis transmittas.
Alia
Si inferne brachium tuum teneas, tum dextra guttur hostis impetas. Inde si sinistrum pedem eius dextro postposueris, atque retrorsum urseris, hostis concidere cogetur, vel ex pede utrinque ipsum sternas.
