Page:MS E.1939.65.354 189r.jpg

und auch alle blesen und wen einer waich ist so bis du starck un wen einer starck ist so bis du waich so vinstu schwech uns sterck mit ein ander gut in der hut, Deo gracz[ia]s amen. Nicolaus thun im 1489 iare in virgilia maria virginis _{| visirarionis}

Item es ist zu wißen das die neche die kunst bricht und die twai hengen und das versthieben und die hol versatzung und die uldin kunst, die funf stuck die brechen den Zetel, auch vind man wol ein der in brecht mit ainem oder zwein stucken den es bricht ein haw den anderen und ein stuck das ander und ein stich bricht den anderen, glosa merk

| Das ist vo~ dem ringen |

In allen ringen sollen sein trey ding, das erst die kunst, das ander die schnelikait, das trit die recht ein legung der sterk, darum so soltu mercken das, das best ist schnelikait die nit zu brauchen last komen, Auch soltu mercken das man alen kranckhen sol vor ringen, und sol ach alen gleychen mit ringen und sol alen starcken nach ringen,