Page:Cod.10826 095v.png

Hernachvolgt wie man auß der Zwirch Rinngen soll.

Die erste Zwirch.

Item Rimgstu mit ainem Inn Lanngenn arm. so brich ime auch auß mit ainer hannd. unnd fare ime nach dem fuß. also du ine auf wöllest zucken. so zeucht er den fuß hinndersich unnd fleucht. damit so gee dem fuß nach mit dem arm. unnd trit mit dei= nem fuß hinndter ine. in die zwirch. so wirfstu ine auf den rucken. das geet zu beden seitten.

die annder Zwirch.

Item. Die annder Zwirch treib allso: Wann du mit ainem rinngst. inn lanngen armen. so brich ime auß mit dem rechten arm. unnd fare ime durch sein linngge üchsen. unnd fare mit deinem rechten fuss hinndter seinen fuß. so wirfstu ine auf den ruch. das geet zu beden seitten.

Die dritte Zwirch.

Item Die dritt Zwirch treib allso: Wann du mit lanngen armen rinngt, so brich ime auß. mit dem