Page:Cod.10826 098v.png

unnd sie hebt dich mit gewallt über die erden, so greiff Ime mit der linnggen hannd, hinndter seinen kinbacken, unnd dauch ine vasst von dir, unnd alls balld er die auflesst geen, so greif mit deiner rechten hannd in das gelennck unnd drit mit deinem rechten fuß für ine. So wirffstu ine, unnd brichst ime den arm ab unnd geet von beden seitten.

Nota.

Item Wann dich ainer allso gefasst hat, unnd bede arm in einannder geschlossen, unnd mit dem fuß für will tretten, so greif bald mit deiner rechtenn hannd, inn dein linngge, unnd zeuch fasst herfürwertz, so brichstu ime den arm ab, unnd geet von bed[en] seitten.

Ein annders finngen

Item Rinngstu mit ainem starcken gleich fassens so warrt, wann er dich will zu ime dauchen oder drucken, das du ime seinen rechten arm, mit deine[n] beden armen fassest, unnd setze ime dein achsell starckh, hinndter sein rechte üchsen, inn die rasst will er dann mit gewallt überrinngen, oder dring[en] so warrt, das du ime ainen fuß ergreiffest, das geet von beden seitten.