Page:Cod.10826 099r.png

So dir ainer zu starck ist..

Item Ist dir ainer zu starck, unnd will dir ainen fuß mit gewallt aufheben, so schleuß ime ainen haggen so dir ainer den haggen einschleüsst, so hebe ine oben zu dir, unnd hebe ine auf, unnd schlag ine mit den geschlossen füssen, an seinen ledigen fuß, so sollt er an[n] ruggen, das geet zu beden seitten.

Nota.

Item Finngstu mit ainem, der dir zu starck ist, so besich, das du ine in den haggen kommest, unnd zeich ine fasst hinndter sich, unnd wenn du ine hertzue brinngst, so rucktu ine den gehaggeten fuß herfür so wirfstu ine an den ruggen, das geet zu beden seite[n]

Nota uum haggen

Item Rinngstu mit ainen starcken unnd komt Dir mit gewalt in den haggen so ruck ine mit der Rechten hannd starck zu dir unnd trit ime mit dem Geschlossen füße auf seinen ledigen fuß unnd truck Ine oben von dir, so wirfstu ine auffs maul.

Nota.

Item Hat dir einer gehagget unnd ergreifft dir