umb sein bain. So wirfstu ine auf den ruggen.
Nota.
Item Schlecht dir ainer zu, so fase den schlag auf dein ewiche hannd und druck ine fasst zuruck, unnd greif mit deiner linnggen hannd unnden umb seinen rechten arm unnd trit mit deinem rechte[n] fuss unndter seinen rechten so wirfstu ine auf den ruggen unnd wirfst ime den arm ab.
Nota.. Beim Harzufassen.
Item Fasst dich ainer beim har, so greif ime mit deiner linnggen hennd, über seine bede hennd in sein rechte hannd, in das glennck unnd mit dem recht[en] unndten in den elenbogen unnd winnde ime den arm in die höch auft, so wirfstu ledig unnd brichst ime den arm ab.
Nota.
Item Wann du mit einem rauffest, so fasse ine als vor, unnd winnde ime sein linngge hannd auf dein rechten arm unnd druck ine fasst zu der erden, und schlag ine mit der linnggen hannd auf den hals.
Ein Abwerffen..
Item Hat dich ainer Inn der mitte gefasst, unnd
