Page:Cod.10826 100r.png

ine ein glennck, und reib ime umb, unnd setze ime deinen rechten elenbogen, oben auf seinen arm, un[n] druck ine nider zue erden. das geet zu beden seitten.

Armbruch.

Item Ob ainer den linngen arm nidersennckt. und lesst ine nit umbreiben. so schleuß ine deine bede arm unnden umb seinen rechten arm. nahennt bei dem gelenngk. unnd heb ine über sich auf. so brichstu ime den arm ab. unnd geet zu beden seitten.

So dich ainer umbfacht.

Item Umbfecht dich ainer. hinnden umbtue. ainer schitt?? order Rinngen. so greif bald auf mit beden hen[n]de[n] über dein haubt. unnd fasse ine bei dem har. so wirfstu ine über das haubt. willtu das breche. so ergreif ime seine bede elenbogen unnd zeuch ine zu ruckh. oder zeuch das haubt fasst hinndter sich. das ers nit erlanngen mag.

Nota..

Item Hebt dich ainer starck. unnd will dich zum har nit kommen lassen. so stoß ime oben nach dem maul. unnd sennck dich gehlinng nider. unnd trit mit eim fuß hinndter ine. so wirfstu ine auf den ruggenn: