Page:Cod.10826 092v.png

zu dir, vnnd Stoss ime mit dem haubt vorn, oben in die brust, vnnd wirf ime zu ruck.

Ein Bruch.

Item fass ime oben bej dem halß , vnndter der üchsen , vnnd lege dich fasst oben auf ime , vnnd trit wol zu ruck , mit den füssen , das er dir kainen begreiffen Mag , So druckstu ime zur erden.

Aber ain Rinngen.

Item ob er den rechten fuß für setzt, so ruck ime mit der linnggen hannd , bej seiner rechten hann , vnnd schlag ine an den schennckel seins rechten fuß mit deinem linnggen fuss , vnnd ruck ime nider ,

oder fall Ime zu der rechten hannd , in die keelen , unnd druck in über ruck.

Aber ein Rinngen.

Item hebt dich ainer loß bej den armern . So greif mit deiner linnggen hannd , nach seiner rechten , vnnd begreif ime die finnger , vnnd hallt ine fasst , vnnd schlag auf mit deiner rechten , vnnd fare ime durch , vnndter seinen arm , vnnd fasst ine in der wüste , mit der ling=