You are not currently logged in. Are you accessing the unsecure (http) portal? Click here to switch to the secure portal. |
Page:Gründtliche Beschreibung der Kunst des Fechtens (Joachim Meÿer) 1570.pdf/38
Hangetort.
WIe du das Hangetort in das werck richten solt / lehrt dich das Bild zůr Rechten in obgedachter Figur / allein das darinen die Arm nit gnügsam gestreckt hie angezeigt wirt / Derwegen schicke dich In gemelde Hůt also / stehe mit dem rechten Fůß vor / halt deine Wehr mit außgestreckten Armen vor dir / das die Klingen etwas vndersich gegen der Erden hange / diß Leger ist durchauß fast dem Ochsen gleichfórmig / allein das du im Ochsen die Arm strack in die hóhe empor heltest / hie aber gerad vor deinem Gsicht außgestreckt sein sollen / vnnd das Schwerdt gegen der Erden hangen lassest / darumb es denn auch das hengetort geheissen.
Schlüssel.
DEr Schlüssel ist in der Figur welche mit dem Bůchstaben D. verzeichnet / also fúrgebildet / stehestu mit deinem Lincken fůß vor / vnd haltest dein Schwerdt mit dem Hefft vnd gecreutzigten henden vor deiner Brust / das die kurtze schneide auff dem Lincken Arm lige / vnd das ort gegen des Mans gesicht stehe / so wirt diß Leger oder Hůt recht gemacht.
Eynhorn.
KOmm im zůfechten mit dem Lincken Fůß vor / flügel von beiden seiten auff / als wollestu dich in vorgenanten Schlüssel Legern / fahre mit geschrenckten henden vbersich zů deiner Rechten / das die spitz in der hóhe obersich her auß sehe / so heist es im Einhorn / vnnd stehest wie du in der Figur hie gegen mit dem E. gezeichnet am bildt zůr Rechten sehen kanst.