You are not currently logged in. Are you accessing the unsecure (http) portal? Click here to switch to the secure portal.
Wiktenauer logo.png

Page:Cod.icon. 393 II 233r.jpg

From Wiktenauer
Revision as of 01:20, 15 November 2018 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Ratio adplicandi ensis mucronem adversarii iugulo contra plagam letalem

Quum hastas adversus invicem coniecistis, iisque relictis tu sinistrum praeponas pedem, capulo ensis dextra in latere dextro correpto sinistram vero medio ensi adplicaris, mucronem iugulo adversarii adplices. Sin idem feceris hostis, te dextrum pedem praefigente, scuto eam vim repellas, eoque abiecto ensem medium manu utraque corripito letaliter ensis nodo eiusque munitione hostis caput quassato. At si te modo eodem pulsarit, scuto levato, ipsius plagam removeas. Inde clypeo reiecto a capulo ensis dextram remove, sinistraeque coniunge in medio ense consistenti, dextro consequutus pedem praepositum adversarii nodo cruceque ensis tui pulsato. Post ab hoste gemino gradu recedas.

Retrieved from "https://wiktenauer.com/index.php?title=Page:Cod.icon._393_II_233r.jpg&oldid=98833"