You are not currently logged in. Are you accessing the unsecure (http) portal? Click here to switch to the secure portal.
Wiktenauer logo.png

Page:Cod.icon. 393 II 236v.jpg

From Wiktenauer
Revision as of 01:25, 15 November 2018 by Michael Chidester (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Duo habitus unde scuta hostis adplicantur corpori.

Ad hanc pugnam hoc modo te accommodabis: dextrum pedem praeponito caestum dextra sublatum contineas supra caput, et inde sinistro pede si fueris consecutus buculam hostis concutias caestu. Si autem pari ratione te appetierit, caestum dextra continentem, eum reiicias. Sed utraque manu scuto arrepto, plagam ipsius repellas, et inferiorem scuti tui cuspidem retro pedem tuum sinistrum porrigas, atque attrahas versum te vellendo. Sed si is idem contra te fuerit molitus, vicissim caestum abiicias, et manu utraque scutum arripias, eoque sublato cuspidem superiorem adversarii in latus sinistrum si depresseris, ipsius vellicationem removebis verum posthac scuti tui cuspidibus pudenda adversarii impetas. Sin autem is usurparit idem contra te, versum latus sinistrum scutum ipsius tuo scuto deprimas, sub dole cuspidem scuti tui superiorem si direxeris, vellendo hostem ad te attrahito, tum si pedem dextrum, hostis sinistro praeposueris, in latus dextrum tuum prosternere hostem poteris.

Retrieved from "https://wiktenauer.com/index.php?title=Page:Cod.icon._393_II_236v.jpg&oldid=98840"