Ratio praeveniendi contra aversionem per hastam mediam.
Hoc modo te in praedicta dimicatione geras, si hamo inieceris hastam, citato cursu pro viribus contra hostem propensa cuspide equestris hastae in adversarii pectus. At si is idem contra te moliatur, tuque praeventus fueris ita, ut occasio iniiciendae hastae in hamum praecidatur, tum contra incites equum versus latus ipsius dextrum, et hastam pro te teneas transversam, cuspidem vero eiusdem ex latere sinistro deorsum appares, hastam frenumque coniunctim manu sinistra, eaque ratione vim hostilem hasta illatam (addito equo stimulo) mucrone posteriori tuae hastae repellas in latus dextrum tuum, inde dextram ab hasta removeas, eamque si mediae hastae hostili supposueris, perrexerisque cursu pleno, eam hosti ex hamo deflectes per humerum dextrum.
