 |
You are not currently logged in. Are you accessing the unsecure (http) portal? Click here to switch to the secure portal. |
Page:Cod.icon. 393 I 216v.jpg
Revision as of 00:44, 17 November 2018 by Michael Chidester (talk | contribs)
Alius ictus loetalis habitus.
In habitum iam commemoratum sic te compones, dextrum pedem praeponito, fustem manu utraque pro facie tua contra hostem in alto contineto, atque ex eo habitu sinistro pede introgressus totis viribus caput adversarii ferias. Sed si is idem contra te moliatur, dextrum praeponentem, fustem manibus ambabus iuxta partem posteriorem tenentem, anteriorem contra adversarium sursum, tum adversarii conatum fuste tuo in latus sinistrum removebis, et si in triangulum pede sinistro versus latus dextrum concesseris, brachium sinistrum eius acriter ferias. Verum si modo eodem hostis fuste suo te repulerit, in latus suum dextrum, ex triangulo, dextro ingressus, fustem fronti hostis ictu letali infliges, ut supinus concidat.
