Page:Cod.icon. 393 I 229v.jpg

Binae incisiones contra earundem aversiones.

Hac ratione te in hoc congressu mutuo componas, sinistrum preponere memineris, falcem manu dextra sublatam contineas adversus hostem, atque colli partem seu latus sinistrum stringas. Cum uero adversarius consimiliter te scindere conetur, dextrum contra se preponentem, tum manu sinistra, dextram hostis impete, eam si sursum leuaris eodem habitu incisionem hostilem avertis. Inde uero falcem colli hostis parti sinistre impingere non cesses. Sed si itidem is superne te fuerit adgressus, manu sinistra interius cubitum eius dextrum impetas, eaque fortiter eum removeas in latus sinistrus tuus, atque hostis uim ita repelles, at subitu insequutus intro dextro, ex eius latere sinistro, dextram tuam si adtraxeris confestim, latus sinistrum corporis hostilis falce proscindito, atque tuto ab hoste recedere curato.