 |
You are not currently logged in. Are you accessing the unsecure (http) portal? Click here to switch to the secure portal. |
Page:Cod.icon. 393 I 268v.jpg
Revision as of 01:12, 17 November 2018 by Michael Chidester (talk | contribs)
Habitus hostis convertendi simulq[ue] per coxam sinistram sternendi.
Quum prope ad hostem perveneris ea ratione te accommodabis in hoc certamine: si adversarius dextrum pedem sinistro tuo admoverit, coneturque dextra sinistram tui corporis axillam corripere, laeva autem ilia lateris dextri, tum manu sinistra superne eius brachio utrique superiniecta brachium laevum adprehendas, dextram vero sinistrae axillae subiicias atque eum attrahas. Inde deorsum in pectus tuum hostem supprimas, et coxam sinistram adversarii coxae itidem sinistrae adplices, atque ea ratione eum convertes, simul etiam de latere sinistro tuo in latus dextrum praecipitas hostem.
