Asportatio cum ratione hostis prosternendi.
Hoc modo te componito in habitum, qui mox infra describetur: contra hostem erectus tibiis paribus consistas, illique latus sinistrum praebeas. Inde lumbis manu sinistra hostis circundatis, laevam axillam corripias. Verum si eadem ratione te adversarius adprehenderit, confestim in habitum librae te accommodes pronum, corpore tuo iliis eius adiuncto, eum prosternere, vel si mavis asportare licebit. Sin autem is pari ratione te corripuerit, capillis eius si dextra involaris ne concidas sustentare te poteris.
