 |
You are not currently logged in. Are you accessing the unsecure (http) portal? Click here to switch to the secure portal. |
Page:Cod.icon. 393 I 287r.jpg
Revision as of 01:22, 17 November 2018 by Michael Chidester (talk | contribs)
Ratio in caput hostem sistendi pedibus sursum vergentibus.
Diligenter curabis si in conspectum adversarii perveneris, ut retrorsum eius amiculum vel thoracem, quo indutus est iuxta collum manu sinistra corripias. Interim te proclinare non dubites, brachiumque extendere, id si feceris, complecti hostis te nequibit. At si is a te pari ratione redimere se conetur, tum brachio praedicto vi propulso, quasi pronum hostem sternere velis. Sin autem adversarius manus praetenderit humum versus, casumque timuerit, nihilominus fortiter thoracem eius teneas, inde manum dextram interponendo retrorsum pedibus ipsius utrisque exerceas, dextramque hostis manu corripias, nec non pede pedem utrumvis si sursum levaris, in caput ipsum praecipites licebit.
