Ratio qua hostis prostratus retinendus sit captivus.
Si hostis fuerit prostratus, tuque pariter cum eo concideris, diligenter curabis ut manum sinistram humero ipsius sinistro adplices, et eo habitu supprimas firmiter. At dextra in capillos involes adversarii. Inde dorsum eius geniculo dextro impellas, pedemque sinistrum utrisque hostis pedibus superimponito. Posthaec comprimito, inde autem sursum eius capillis porrectis fortiter, prohibebis, ne consurgere possit adversarius.
