Page:Cod.icon. 393 II 075r.jpg

Aversionis habit[us] con[tra] visus punctionem.

Si athletice contra hostem procedere voles in hac pugna, dextrum pedem introponas, atque recta porrectim ensis mucrone eius faciem figito. Sed si modo consimili adversarius te adgreditur dextrum praefigentem contra se, in latus tuum sinistrum clypeo eam vim removeas: inde autem ense adducto latus ipsius sinistrum haurias, mucrone sub hostis clypeo porrecto. Sin eum impetum clypeo su repellat, in latus eius dextrum pedem sinistrum colloces, atque faciem fodias. Verum si aversarius idem utatur acie longa praemissa eam vim excipito, inde vero gradu gemino in latus ipsius dextrum dextru itidem pede concedas, atque brachium dextrum ferias. Verum si adversarius te repulerit, reducto ense, si faciem hostilem punxeris, recedere licebit.