 |
You are not currently logged in. Are you accessing the unsecure (http) portal? Click here to switch to the secure portal. |
Page:Cod.icon. 393 II 187r.jpg
Revision as of 02:26, 17 November 2018 by Michael Chidester (talk | contribs)
Ratio extorquendi ensis, addito habitu brachii corrumpendi.
Si concurritis infestis ensibus, tu, qui victoriam obtinere volueris, dextra ensem teneas, feriasque celeriter hostis caput. Verum si is idem contra te usurpet, eum ense tuo levato removeas propendente acie ensis longa in latus sinistrum tuum. Inde superiniecto nodo dextrae hostis manui, proclinatoque corpore tuo totis viribus attrahas, post frenum hamo inferiori iuxta cingulum imponas, et nodum manu sinistra corripias, si eo habitu in latus sinistrum sublevaris, ensem extorquebis manibus adversarii, pariterque brachium disrumpes, postea progreditor feriendo vel pungendo buculam hostis.
