Alia luctae effigies, qua equitem in tuum equum pro te coniicis.
Hoc modo in praedictam dimicationem te adaptes: si ad invicem proceditis equis insidentes, tu iniicere frenum inferiori hamo non dubites, nec non quam proxime hostem accedere, inde manu sinistra ex latere ipsius itidem sinistro collum circundabis, dextra vero sub ipsius axilla laeva emineat. At si pari modo adversarius te fuerit complexus, tunc dextra sub pede eius sinistro iuxta poplitem directa, solvas pedem ex stapede, sinistra vero humerum ipsius sinistrum corripias. Verum is si te consimiliter adprehenderit, moliaturque te deiicere, confestim tu eum mentis viribus attrahas, pronumque in equum tuum deprimas, et ea ratione ex sella extolles, nec non super equum pro te iniicere, postremo captivum ducere, quocunque lubet.
