 |
You are not currently logged in. Are you accessing the unsecure (http) portal? Click here to switch to the secure portal. |
Page:Cod.icon. 393 II 203v.jpg
Revision as of 02:36, 17 November 2018 by Michael Chidester (talk | contribs)
Alius habitus pungendi, et econtra ratio equitus sternendi.
Si utrinque concurritis ex latere utriusque dextro, tu memineris qui victoriam obtinere cupis, prope hostem accedere, atque educto pugione buculam hostis impugnabis. At si is superne pari ratione te adgreditur, neque tu pugionem strinxeris, tum frenum hamo iuxta cingulum thoraci infixo imponas. Inde autem ab inferne sinistra manu hostis brachium dextrum eoque habitu si firmiter sustuleris ipsius punctionem irrita facies, nec non infirmum reddes, idque si perfeceris, tunc intra brachium ipsius utrumque dextra manu buculam hostis adprehendas, utrisque manibus si fortiter repuleris, equo calcaria subdas, inde si totis viribus fueris progressus, equitem coartando deiicies.
