Page:Cod.icon. 393 II 230r.jpg

Punctionis habitus contra repulsa[m] vel aversionem.

In hoc certamine sinistrum pedem praefigere memineris, scutum et hastam manu sinistra coniunctam teneas, ensem vero dextra. Inde mucrone ensis tui iugulum pungas. Sed si adversarius idem contra te molitus fuerit, sinistrum itidem praeponentem, nec non scutum ensemque coniunctim sinistra continentem, hastam dextra tum nodo ensis tui hostilem punctionem avertas. Inde autem hasta faciem ipsius fodias. Sin vero pari ratione te adgreditur pungendo scuto sublato punctionem eius excipito. At si scuto eam vim removerit buculam ipsius cassidis mucrone appetito. Sin autem idem is usurparit, versus tuum latus dextrum scuto impetum eius repellas, insuper hasta abiecta, dextro consequitor, atque manu dextra ense correpto dextrum cubitum adversarii ferias, et inde recedas.