Page:MS Bibl. 2465 084r.jpg

herkummenten streich oder stich mit Eim oberhaw zw grundt, vnnd stich im bechenndt übersich zum gesicht daß gehtt zw beüdenn seittenn ⁋

Ittem hast du düe helpartten vor dür Inn der nebenn hutt, so nüm Im denn stos oder streüch mit dem blatt vnnd stich Im zur nechstenn blös desgleichen thu wann du Inn den vnndern hutt ligest ⁋

Merck so du Inn der vnndern hutt stehest so hab acht als baldt Er gegenn dür sticht, so thritt aus vnnd stich mit Ime gleüch hinein wie Inn der stangen gelechrtt ist werden ⁋

Ittem so duu Inn der vnnder hutten Eine stehest, so merck wann Er auf dich sticht, so fachr Im mit deim blatt mit Eim Rüs Inn sein blatt vnnd Reiß zw dür auff Ein seittenn, stos Inndes bechenndt von vnnden auff zum gesicht. ⁋