Wiktenauer logo.png

Difference between revisions of "Ehrentitel und Lopspruch der Fechtkunst (Christoff Rösener)"

From Wiktenauer
Jump to navigation Jump to search
Tag: Replaced
Line 38: Line 38:
  
 
In 1870, Dr. [[Karl Wassmannsdorff]] reprinted some version of Rösener's text in a compilation work entitled ''Sechs Fechtschulen der Marxbrüder und Federfechter: aus den Jahren 1573 bis 1614; Nürnberger Fechtschulreime v. J. 1579 und Rösener's Gedicht: Ehrentitel und Lopspruch der Fechtkunst v. J. 1589''.
 
In 1870, Dr. [[Karl Wassmannsdorff]] reprinted some version of Rösener's text in a compilation work entitled ''Sechs Fechtschulen der Marxbrüder und Federfechter: aus den Jahren 1573 bis 1614; Nürnberger Fechtschulreime v. J. 1579 und Rösener's Gedicht: Ehrentitel und Lopspruch der Fechtkunst v. J. 1589''.
 
Ehren Tittel vnd Lobspruch
 
Der
 
Ritterlichen Freyen
 
Kunst der Fechter / auch
 
Ihrer Ankunfft/ Freyheiten vnd
 
Keyserlichen Priuilegien, etc.
 
Gestellt durch
 
Christoff Rösener Bürger in Dreszden/
 
vnd durch Keys: May: Freyheit /
 
Meister des Schwerts.
 
 
Anno 1589
 
 
----
 
 
Welcher begert berichts genung / 
 
Der fechter Kunst vnnd ihrn Ur-
 
sprung/
 
Der less mit fleis dieses Tractat,
 
Dann er drinn schönen bericht hat.
 
Wer die fechtkunst hat angefangn /
 
Auch ihr Befreyhung/ vnd wie lang/
 
Solche fechtkunst erfunden ist/
 
Steht alls hierinn / wer fleiszig list.
 
Der wird sich auch verwundern sehr/
 
Was fechten bringt für groste Ehr/
 
Denn die fechtkunst bey grossen Herrn/
 
Geruhmet wird/ vnd bringt zu Ehrn/
 
Den/ der das fechten sehr wol kan/
 
Mag hieruon unterhaltung han.
 
Er kan bey grossen Potentatn,
 
Hierdurch in groste gnad gerahtn.
 
 
----
 
 
Zu Ehren
 
Dem Edlen vnd Wolge-
 
bornen Herrn / Herrn Wentzelao
 
Auff Schmirsitzky / Herr auff Nacht
 
vnd Quartz / etc. Meinem
 
Gnedigen Herrn.
 
Gottes gnad vnd segen durch Christum
 
Unsern Erlöser/ Amen.
 
 
Wolgeborner/
 
Gnediger Herr /
 
das ich dieses Tra-
 
ctetlein, die Ritterli-
 
che vnnd weitbe-
 
rümbte Kampff vnn
 
fechter Kunst be-
 
treffend ( Der sich
 
Keyser / König /
 
fürsten vnd Herrn
 
gebrauchen / auch
 
alle die jenigen / so sich derer Kunst üben / mit
 
Prouision vnnd unterhalt vorsehen vnd befördern)
 
in Druck gegeben vnnd Publiciren lassen / ist nicht
 
ohn erhebliche ursach geschehen / Sondern die-
 
weil wie gemelt / grosse Herren vnnd Potentaten /
 
 
----
 
 
diese Ritterliche Kunst ehren vnd fordern / Also/
 
das sie von etlichen Keysern mit Priuilegien vnnd
 
freyheiten begnadet worden / das die jenigen /
 
welche diese Ritterliche Kunst gelernet vnnd ge-
 
brauchen / was Marxbrüder sein (Die feder-
 
fechter ausgeschlossen ) einen offenen Heim / ne-
 
ben einem starcken Lewen führen mügen. Weil
 
Mir dann wissend/ das E. Gn. selbst diese Ritter-
 
liche Kunst üben / vnd an derselben Hoff täg-
 
lich durch eigene fechter brauchen lassen/ Als hab
 
ich dieses Tractetlein ( neben einem angehängten
 
Gesank ) darinn das gantze Fundament der löb-
 
lichen Fechtkunst begriffen / E. Gn. zu Ehren in
 
Druck vorfertiget. Bin demnach in vnterthe-
 
niger hoffnung / E. G. Werden ihr dieses Tractet-
 
lein gnedigst gefallen vnd lieb sein lassen ( wie ich
 
auch hierumb vnderthenig bitten thue.) Dann
 
E. Gn. ich sonst mit nichts bessers zu dem mahl
 
zu vorehren vermüglichen. E. Gn. wollen also
 
zu diesem mahl gnedigst vor lieb nehmen/ Mein
 
Gnediger Herr / wie bishero geschehen / sein vnd
 
bleiben. Befehl E. Gn. in Gottes schutz und
 
schirm. Geben in Dreszden / den 1. Julij / im
 
1589. Jar.
 
 
E. Gn.
 
Vnderthen.
 
Christoff Rösener
 
Meister des Schwerts.
 
 
----
 
 
Bericht vom Fechten.
 
 
Eins mals gieng ich spazieren weit/
 
Ins ebne Feldt / vnd sah zur seidt/
 
Ein hübschen Jüngling her spatzieren/
 
Der fraget mich: Kan ich auch irrn:
 
Auff diesem Weg/ da ich jetzt bin:
 
Da fieng ich an / vnd grüsset ihn:
 
Er dancket mir züchtiger massn/
 
Balt trat er zu mir an die strassn.
 
Da fragt ich ihn / wo er hin wolt/
 
Dasselb er mich berichten solt.
 
 
Er sprach: Ich wil hin an den Meyn/
 
Mich zu Franckfurt da lassen freyn.
 
Denn ich vor lengest hab begert /
 
Meister zu sein im langen Schwerdt.
 
Auch sunst in aller Fechter Wehrn /
 
Denn dadurch komm ich bald zu Ehrn,
 
 
Da sagt ich / Ja ihr geht hie recht/
 
Bleibt auff dem Weg/ er ist gar schlecht/
 
Der wird euch bringen an den orth/
 
Da ihr hin wolt/ geht immer forth.
 
Er fürt euch in die Stad hinein/
 
Welch ihr genandt/ Franckfurt am Mayn.
 
 
----
 
 
Ich gieng mit ihm eine gute Eck /
 
Der Jüngling redet frisch vnd keck.
 
Da nam ich vrsach ihn zu fragn/
 
Vnd bat ihn das er mir wolt sagn.
 
Wo doch her kem: der Fechter Kunst/
 
Vnd ihr Vrsprung/ denn ich ihr sunst/
 
Von jugent auff hett gunst getragn/
 
Der Jüngling thet bald zu mir sagn.
 
Ja/ wenn ich hett mein sach verricht/
 
Ich wolt euch geben fein bericht.
 
Wer die Fechtkunst erfunden hat/
 
Aber ich fürcht / ich kom zu spat/
 
Gen Franckfurt hin / denn ich hab zeit/
 
Mich dünckt/ der weg sey zimlich weit.
 
Wann ich jetzund vorseumpt die Mess/
 
So würde ich durchaus vorgessn.
 
Vnd must noch warten ein gantz Jar/
 
Das ich euch jetzundt sag/ ist war.
 
 
Ich sagt zu ihm/ ey ich weis rhat/
 
Morgen frü fahr ich in die Stad/
 
Da kan ich euch fein nehmen mit/
 
Bleibt heut bey mir/ das ist mein bitt.
 
Ja wenn ich dieses wer gewis/
 
Ich mich hierzu vermögen lies.
 
 
----
 
 
Ich sprach/ gleubt mir ohn allen spot/
 
Lest mich leben der liebe Gott/
 
So fahr ich Morgen gwis hinein/
 
Kompt nur her vnd kert bey mir ein.
 
Im Namen Gotts/ ich lass geschehn/
 
Ich wil mit euch jetzt hinein gehn.
 
Seit mir willkommen in mein Haus/
 
Leget nur ab/ vnd thut euch aus.
 
Man sol euch ein Handwasser gebn/
 
Auch ein biszlein essen da nebn.
 
Ey mein Herr Wirt/ spart ir die müh/
 
Ich danck/ das ich hab Herberg hie.
 
Esst ihr frey und last euch nicht grawn/
 
Ihr mügt euch heint mir gantz vertrawn.
 
Morgen wöllen wir weiter redn/
 
Von den Fechtern vnd ihrn geberdn.
 
Ja wils Gott/ Morgen wil ich bald/
 
Berichten recht/ doch in einfalt.
 
 
Ich hab gerührt mechtig wol/
 
Jtzt sag ich euch was ich nur sol.
 
Ja/ Jung Gesel ich möchts wol lern.
 
 
----
 
 
Die Ritter Fechtkunst ist auff-
 
kommn/
 
Vnd hat ihren Ursprung genommen/
 
Eh denn Troia zerstöret war/
 
Ettwas mehr denn Eilff hundert Jar/
 
Vor des HErren Christi geburt/
 
Vom Hercule erfunden wurdt.
 
Der Olimphische Kampff mit Nam/
 
In dem Lande Arcadiam.
 
Bey Olimp dem hohen Berg/
 
In diesem Ritterlichen werck.
 
Kempfften zu Ross/ nackende Helde/
 
Wie Herodotus vns erzelt.
 
 
----
 
 
Welcher nun Ritterlichen kempfft/
 
Die andern mit sein Schwerte dempfft/
 
Derselbe wurd begabet gantz/
 
Von Ollbaum/ mit eim schönen Krantz.
 
In dem Kampff Hercules erfacht/
 
Gros Lob vnd Preis/ durch Heldes macht.
 
Gebot/ das man den Kampff solt gar/
 
Halten allweg im fünfften Jar/
 
Mit grosser Herrligkeit allmahl/
 
Nach dieser Olimpischen zaal/
 
Die Griechen hielten diese zeit/
 
Wie Polidorus vurkund gelt.
 
Als aber nun Hercules starb/
 
Dieser Olimphisch Kampff verdarb/
 
Das er ein zeitlang von den Alten/
 
Im Griechenland/ nicht wurd gehaltn.
 
Jedoch hat Iphitus sein Sohn/
 
Solches wider auff richten thon.
 
Eben gleich in voriger arth/
 
Nachdem Troia zerstöret ward/
 
Der lang war bey den Griechen bleibn/
 
Wie Solinus vns hat beschriebn.
 
Nach dem sindauch in Griechenlandn/
 
Mancherley arth Kampffspiel entstandn/
 
 
----
 
 
Etlich gar nackt allenthalben/
 
Thetn sich mit dem Baumöll salben/
 
Vnd Kampffweis mit ein ander rungn/
 
In Schranken/ Wetlauffen vnd sprungn.
 
Da erfand König Pyrus gros/
 
Den gwapneten Turnir zu Rosz/
 
Vnd wie man solt in Ordnung reittn/
 
Genant der Pirrisch sprung/ vorzeittn/
 
In dem kempffen von langer zeit/
 
Hat Mercurius zubereit/
 
Die jungen Kempffer in Kampff stückn/
 
Auff das ihn thet der Sieg gelückn/
 
 
----
 
 
Hat so die erst Fechtschul gehalten/
 
Wie vns des bezeugen die Altn.
 
Diodorus vnd andre mehr/
 
Hielten dis für die gröste ehr/
 
Wann einer da einn Crantz erfacht/
 
Rhümtens von Reichtum/ Gwalt vnn pracht.
 
Von dannen auch das Kampffspiel kom/
 
In die Grosmechtige Stad Rom/
 
Da Staurus ein Theatrum bawt/
 
Darin das Volck dem Kampff zuschawt/
 
Auff Marmelstein Seulen gesundrt/
 
An der Zahl Sechtzig vnd drey hundrt/
 
Dis ward das gröste Werck genant/
 
So je gemacht durch Menschen hand/
 
Darinn mit grosser prechtigkeit/
 
Brauchten die Kampffspiel lange zeit.
 
Das offt in eim Kampff Kempffer warn/
 
Auch mehr dann in die Tausent par/
 
Sie fochten aber alle scharff/
 
Einer den andern hieb/ stach und warff/
 
Mit Schwerten/ Kolben/ Spies un Pfeil/
 
Jeder hat ein Schild zu seim theil/
 
Damit er sich schützt in der noth/
 
Viel blieben auff dem Kampffplatz tod/
 
 
----
 
 
Viel hart verwund/ die sich ergabn/
 
Mancher art sie da Kempffet habn/
 
Das mus ich auch sagen ist war/
 
Das etliche Kampff bestellt warn/
 
Mit Elephanten/ Thygertirn/
 
Mit Parden/ Lewen/ wilden Stirn/
 
Mit wilden Pferden/ vnd mit Bern/
 
An den must man sein Kunst bewern
 
Ohn schaden gieng der Kampff nicht ab/
 
Bey Fidena sich eins begab/
 
Zu des Keysers Tyberi zeit/
 
Das ein Spielhaus einfiel / war weit/
 
Zwantzig Tausent Menschen erschlagn/
 
Welche solchem Kampffspiel zu sahn.
 
Nach dem aber die gros Stad Rom/
 
Zu dem Christlichen Glauben kam/
 
 
----
 
 
Wurden abgeschafft die Kampffspiel/
 
Weil es also galt Blutes viel.
 
Wider Christlich Ordnung und Lieb/
 
Dennoch ein stück vom Kampffe blieb.
 
Viel Helden Kempfftn im freyen Feld/
 
Ritten zusammen in die Wäld/
 
Als Eck/ vnd der altt Hillebrandt/
 
Lawrin/ der Hürnen Seyfrid genant.
 
König Fasolt/ Dieterich von Bern/
 
Theten ein ander Kampff gewehrn/
 
Nur zu erlangen Preis vnd Ehr/
 
Dergleichen von kurtzer zeit mehr/
 
 
----
 
 
War noch der brauch beim Deutschen Adll/
 
Wann einer fand am andern ein tadll/
 
So fordert er ihn bald zum Kämpffn/
 
Da einer thet den andern dempffn/
 
Gerüst zu Ross/ im Feld odr Schranckn /
 
Wer lag der lag ohn alles zancku.
 
Zv der zeit auch zu fuss man kempfft/
 
Gerüst einer den andern dempff/
 
 
----
 
 
In drey Wehren / Schwert/ Tolch vnd Spies/
 
Wo einer auff den andern sties/
 
Verwundet oder gar umbbracht/
 
Desgleichen man scharff vnd nackt facht/
 
In Wammest/ Hembd vnd mit Schild/
 
Solchs alles ist nun gar gestilt/
 
Das solche Kampff vorbohten hat/
 
Römisch : Keyserlich Mayestat/
 
MAXIMILIANVS der thewr/
 
Aus Christenlicher liebe Fewr/
 
Das dis wer ein vnchristlich that/
 
Weil daraus kem/ so viel vnrath/
 
Am Leib/ vnd an der Seelen schadn/
 
Vnd hat mit Freyheit thun begnadn/
 
Fechten/ die Ritterliche Kunst/
 
Darzu er denn trug sonder gunst.
 
Weil er selbst kund zu guter mass/
 
Darumb Priuilegiert er das-
 
 
----
 
 
Das die Meister von der Geschicht/
 
Ein Ordnung haben auffgericht/
 
Sanct Marxen Brüderschafft genandt/
 
In Deudschland jetzt sehr wol bekand.
 
Vnd ist nicht ohn gefehr geschehn/
 
Denn/ weil bey S. Marxen thut stehn/
 
 
----
 
 
Ein Lew/ wie das die Schrifft beweist/
 
Darumb S. Marcus wird gepreist/
 
Das er mit gar freudigem muth/
 
Gottes Wort rein auslegen thut/
 
Vnd schewet da gar niemand nicht/
 
Wie der Lew/ mit frölichem gsicht.
 
Kein Thier nicht fürcht/ sondern ohn shaw/
 
Erwischt er eins/ mit seiner Klaw/
 
Er helts/ es sey jung oder alt/
 
Auch zuerst etliches gar bald.
 
 
----
 
 
Also hatt S. Marcus ein sinn/
 
Predigt Gottes wort immer hin/
 
Sicht durchaus kein Person nicht an/
 
Fürcht sich auch nicht für keinen
 
Man/
 
Gleich wie der Lew mit frischem muth/
 
Sich nicht schewt/ so S. Marcus thut.
 
Gleicher gstalt die Marx brüder auch /
 
Haben jetzo gleich diesen brauch/
 
Das sie auch gar mit frisschem muth/
 
Vmb sich schlan / wie der Lewe thut.
 
Schewen kein Kempffer oder Helt/
 
Der nehst der best/ ihn wol gefelt/
 
Nemens mit einem jeden an/
 
Nur frisch frölich / thun sie zu schlan/
 
Drümb führen sie ein starcken Lewn/
 
Thun sich dessen / für niemand schewn.
 
Wer nun Meister sein wil des Schwerts/
 
In diesem Ritterlichen schertz/
 
Derselb in der Herbst Mess allein/
 
Zieh hin gen Franckfurt an den Meyn/
 
Alda wird er Examinirt/
 
Von den Meistern / des Schwerdts pro-
 
birt/
 
 
----
 
 
In allen Wehren / hie berürt/
 
Was einem Meister zu gebürt.
 
Fechtens Kunst / den verborgenen Kern/
 
Kan er das Meisterlich gewern/
 
Als denn man ihn zum Meister schlecht/
 
S. Marxen Brüderschaft empfeht.
 
Also habt ihr jetzt fein vernommn/
 
Wo die Marxbrüder sein herkomn.
 
 
Nachdem mag er nun Fechtschuel haltn/
 
Auch Schüler leren vnd vorwaltn/
 
In allen Ritterlichen Wehrn/
 
Erstlich/ mit langem Schwerd in Ehrn/
 
Messer/ Spies vnd der Stangen wardtn/
 
Im Dollich vnd auch Hellebartn/
 
 
----
 
 
Jedes nach arth/ mit seinen stückn/
 
So mag in Ehren ihm gelückn.
 
Wo er Schul helt im gantzen Reich/
 
In den Fürstlichen Stӓdten gleich/
 
Durch aus in gantzem Deudschem Landt/
 
Ich sprach/ wie sind die stück genant/
 
Die man mus leren im anfang/
 
Er sprach/ der Kunst/ zu dem eingang/
 
Lert man öber vnd vnter Haw/
 
Mittel vnd Flügel haw / genaw.
 
Auch gschlossen vnd ein fachen sturtz/
 
Den trit lert man darzu auch kurtz.
 
Den Possen vnd auch ein auffhebn/
 
Ausgeng: vnd nider stellen ebn/
 
Ich bat: Mein jung Gesell zeigt an/
 
Wie heist man die stück für dem Man.
 
Er sprach/ Ob ichs euch gleich thet
 
nenn/
 
Könt ihr die stück/ ohns werck nicht kenn/
 
Weil ihr nicht habt gelernt die Kunst/
 
Doch ich euch aus besondrer gunst/
 
Etlich hieb vnd stück nennen wil/
 
Die sind Meisterlich vnd subtill.
 
Den Zorn haw vnd krumbhaw den schaw/
 
Zwerchaw/ Schillhaw vnd Scheilerhaw.
 
 
----
 
 
Wunder versatzung: vnd nach reisn/
 
Vberlauff durch wechssel etlich heissn.
 
Schneiden/ hawen/ stich in Windn/
 
Abschneiden/ hengen vnd anbindn.
 
Die Kunst helt in vier Lӓger klug/
 
Alber/ Tag/ Ochsse vnd den Pflug.
 
Noch sind der stück aber sӓndr/
 
Das immer eines bricht das andr.
 
Doch in dem alln ein Fechter merck/
 
Auff die vier blös/ auff schwech vnd sterck.
 
Der höchsten rhur all mahl war nehm/
 
Seinen Zorn/ selber brech vnd zem.
 
 
Noch sind vorhanden viel Kampff-
 
stück/
 
Wie man ein werfen sol in rück.
 
Beinbruch/ Gmecht stös vnd Arm brechen/
 
Mordtstöss/ Fingerbruch/ zum gsicht stechen.
 
 
Ich sagt/ Ich bitt bericht mich auch/
 
Weil kempffen nicht mehr ist im brauch.
 
Was ist die Kunst: des Fechtens nütz?
 
Er sprach: Ewer frag ist gar vnnütz/
 
Lass Fechtn gleich nur ein kurzweil sein/
 
Noch ist die Kunst löblich vnd fein.
 
 
----
 
 
Adlich/ wie Stechen vnd Turnirn/
 
Als Seitenspiel/ singn vnd quintirn.
 
Für Frawen/ Rittern vnd Knechten/
 
Wo man ein lustig Spiegel fechtn/
 
Sieht/ zierts manchen Adelichen sprung/
 
Das erfrewet alte vnd jung/
 
Auch macht Fechten/ wer es wol kan/
 
Hurtig vnd thetig einen Man.
 
Geschickt vnd rundt/ leicht vnd gering/
 
Gelengt/ fertig zu allem ding.
 
Gegm Feind behertzt vnd unnorzagt/
 
Tapffer vnd keck/ wers Mannlich wagt.
 
 
----
 
 
Kühn vnd grossmüttig in dem Krieg/
 
Zu gewinnen Lob/ Ehr vnd Sieg.
 
Macht neben ihm frisch etlich Hundrt/
 
On noth des Fechtens Kunst euch wundert.
 
 
Weil auch erlangt die ehrlich kunst/
 
Bey Fürstn vnd Herrn/ genad vnn gunst.
 
Prouision vnd dienst allzeit/
 
Auch wird mancher Fechter gefreyt.
 
Von Fürstn/ oder Könglich Maiestat/
 
Das er Macht: Schul zu halten hat.
 
Als er ein gschlagner Meyster sey/
 
Nun habt ihr fein gemerkt hierbey/
 
Mit kurtzen worten gar genug/
 
Der Fechter Kunst/ vnd ihrn vrsprung.
 
In grosser würd gehalten lang/
 
Auch wie sie jetzund geht im schwang.
 
Damit auch mancher Meister mehr/
 
Durch die Fechtkunst erlangt gros ehr.
 
Drumb zieh ich jetzund hin allein/
 
Auff die Mess/ gen Franckfurt am Mayn.
 
Will mich da von den Fechtern werdt/
 
Lassen schlan zum Meister im Schwerdt.
 
Sie werden mich öffentlich führn/
 
In ihren Platz/ vnd da Probieren.
 
 
----
 
 
Wann ich da auff der Prob besteh/
 
So vorhindert mich denn nichts mehr.
 
Werd als dann zum Meister erkorn/
 
Vnd wann ich ihnen hab geschworn.
 
So zich ich wider meine strassn/
 
Vnd thu mich des Fechtens an massn.
 
Mag das brauchen durchs gantze Landt/
 
Vnd wenn ich gleich bin vnbekand/
 
Dennoch brauch ich die Ritterkunst/
 
Vnd krieg also durchs Land viel gunst.
 
Mein jung Gesell sagt mir doch auch/
 
Was helt man denn für einen brauch/
 
Zu Franckfurt in der werden Stad/
 
Daruon ihr mir viel gesagt hat.
 
Wann nun ein Fechter kompt hinein/
 
Wolt gern ein Meister im Schwerdt sein.
 
Bey wehm mus er sich geben an/
 
Der ihn kan zu eim Meister schlan.
 
Was helt man den für ein Proces/
 
Zu Franckfurt in der grossen Mess.
 
 
Mein lieber Wirth/ ich wil euch ebn/
 
Auff ewer Frag gut antwort gebn.
 
Ob ichs schon selbst gesehen nicht/
 
Doch gebn mir die Alten bericht.
 
 
----
 
 
Das: wann ein Fechter hinein kümpt/
 
Vnd derselb den bericht ein nimpt/
 
Wo er antreffe den Hauptman/
 
Mus er sich bey ihm geben an.
 
Vnd mus werben zun Vier Meistern/
 
Die werden ihn alsbald heissen.
 
Das er mus thun die Proben haw/
 
Die Fünff thun ihm alle zuschawn.
 
Wann er besteht in solcher Prob/
 
So wird die sach da auff geschobn.
 
Bis auff den Sontag in der Mess/
 
Da wird er denn mit nicht vorgessn.
 
 
Sondern er wird da vorgestelt/
 
Für alle Meister/ wie ein Heldt.
 
Die mus er da alle bestehn/
 
Keiner lest ihn für über gehn.
 
Er mus mit jedem aus dem Schwert
 
Fechten/ wers nur an ihn begert.
 
Wann er in der Prob ist bestandn/
 
So nimmt man ihn als dann zu handn.
 
Vnd lest ihn knien auff die Erdt/
 
Da wird er mit dem Parat Schwert.
 
Vber seine Lenden Kreutzweis:
 
Geschlagen/ auffs Hauptmans geheis.
 
 
----
 
 
Er mus auch wie die andern pflegn/
 
Zween Goltgülden auff das Schwerd legn.
 
Da thut man ihn ein Fechter nennen/
 
Vnd für ein Meister im Schwerd erkennen.
 
Wann er nun dieses hat gethan/
 
Mus er auch schweren dem Hauptmann.
 
Das er die zeit bey seinem lebn/
 
Sein Meisterschaft nicht wil vbergebn.
 
Wann er nun durchaus so besteht/
 
Druff er die heimlichkeit empfeht/
 
Vnd bleibt also Meister im Schwerdt/
 
Die Fechter haltn ihn Lieb vnd werdt.
 
Nun werdt ihr habn vernommen recht/
 
Wie man einen zum Meister schlegt.
 
Ja/ ich habs recht genommen ein/
 
Ich möcht wol selbest dabey sein.
 
MEin halt mir noch zu gut ein frag/
 
Mein grobheit mit gedult vortrag.
 
Weil man die Kunst rhümet so sehr/
 
Wie das denn sonst kein Keyser mehr.
 
Die Marxbrüder befreyen kan/
 
Denn der thewr Maximilian.
 
Nach dem thewren Maximilian/
 
Hat sichs vngefehr zugetragn.
 
 
----
 
 
Das der loblich Keyser Friedrich/
 
Wie ich euch beg jetzo bericht.
 
Im Tausent vnd Vierhundert Jar/
 
Sieben vnd achtzig dis ist war.
 
Am Zehenden Monats tag May/
 
Zu Nüremberg/ wie ich meld hie.
 
Dis Priuilegium thun vernewrn/
 
Nach Maximilian dem thewrn.
 
Also man Tausent fünffhundert zalt/
 
Vnd zwölff Jar/ ich euch nicht verhalt/
 
 
----
 
 
Den Siebn vnd zwantzigstn September/
 
Hat auch mit lust ohn all beschwer.
 
Die Keyserliche Mayestat/
 
Zu Cöllen in der grossen Stadt/
 
MAXMILIAN genennet wird/
 
Die Marxbrüdr auch Priuilegirt.
 
Zu dem/ als man auch hat gezahlt/
 
Tausent Fünff hundert/ vnnd als bald/
 
Sechs vnd sechtzig/ im Monat Mey/
 
 
----
 
 
Den sechsten/ ich euch sag hierbey/
 
Sind die Marxbrüder nach der Wahl/
 
Priuilegieret noch ein mahl.
 
Vom Keyser Maximilian/
 
Wie ich euch jetzo zeige an.
 
Ist in Augsburg der Stad geschehn/
 
Wie menniglich da hat gesehn.
 
Ietzt nun mehr har Rudoff der Keysr/
 
Den Marxbrüdern die gnad thun bewisn/
 
 
----
 
 
Weil sies haben vor wenig zeit/
 
Gesucht in vnderthenigkeit/
 
Die ersten Brieff new Confirmirt,
 
Vnd sie wider Priuilegirt.
 
Geschach im Neun vnd siebntzigstn Jar/
 
Der wenger Zahl sag ich fürwar/
 
Den Zehenden tag Julij/
 
Das hab ich müssen melden hie.
 
Auff des Keysers Burg der Stad Prag/
 
Drümb merck mit fleis/ was ich euch sag.
 
 
----
 
 
Hieraus künd ihr nun schliessen fein/
 
Das die Fechtkunst geehrt mus sein.
 
Weil ihr mir denn auff mein frag ebn/
 
So richtigen bescheid hat gebn.
 
So dörfft ihr mich bereden bald/
 
Wann ich nun mehr nicht weer zu alt/
 
Das ich lernet die Fechterkunst/
 
Weil sie bringt Ehr vnd grosse gunst.
 
Dis thu ich gern/ wolt ihr nu fein/
 
Was ich euch weise gehorsam sein.
 
Das wil ich thun zu jeder zeit/
 
Euch folgen mit bescheidenheit.
 
Ihr werdet aber zuuor ebn/
 
Gar ein wenig anleitung gebn.
 
Wie ich mich drein vorhalten soll/
 
Das ich die Fechtkunst lerne wol.
 
Weil ihr denn dis jetzt thut begern/
 
So wil ich euch hierein gewern.
 
Merckt nur fleissig/ was ich euch sag/
 
Vnd lernets heut/ auff diesen tag.
 
Gott geb vns Glück zur Fechter Kunst/
 
Denn sie bey grossen Herrn hat gunst.
 
In Gottes gwalt wolln wir vns gebn/
 
In seim Namen zu Fechtn anhebn.
 
 
----
 
 
HERR Gott vorley vns Gnad vnd Gunst/
 
Recht zu gebrauchn die Ritterkunst.
 
Das ihr dieselbe mögt wol lern/
 
Damit euch grosse Herren ehrn.
 
Wolt ihr lernen Fechten künstlich/
 
Solt ihr mit fleis fürsehen euch.
 
 
Zum ersten schempt euch nicht zu
 
lernn/
 
Sondern thut stetts übung begern.
 
Wenn ihr wolt gehen zu der Lehr/
 
So grüst die Meister vnd Schüler.
 
Vnd wann ihr auff die Schule kompt/
 
Schamt das kein fremder mit euch kümpt.
 
Er kan denn ein Schulrecht bestehn/
 
Mit dem Meister drey Genge gehn.
 
Balt ihr euchs Fechten nemet an/
 
Kein Nestel sol sein zugethan/
 
Auch kein Dolch an der seiten dran/
 
Vnd gar nichts auff dem Heupte han.
 
Nempt keinem aus der Hand sein Wehr/
 
Bit erst vorlöbnis vom Meister.
 
Halt fest die Wehr / lass keine falln/
 
Falt auch selbst nicht/ seid bdacht in alln.
 
 
----
 
 
Auch mit vngstüm kein Wehr zerschlagt/
 
Mit sitten ewr arbeit vortragt.
 
Solt auch durch aus keins andern spottn/
 
In der übung / es ist verbottn.
 
Auch solt ihr keinen blütig schlan/
 
Der erst zu fechten fehet an.
 
Wann auch nun fremde Schüler kemn/
 
Auff den Lehrplatz/ solt ihr vornemn.
 
Das ihr keinen verspotten wollt/
 
Vmb ein par streich ihr Fechten sollt.
 
 
----
 
 
Oder vmb einen schönen Crantz/
 
Macht euch nur her an diesen Tantz/
 
Oder nach erkentnis der Massn/
 
Von Meister vnd Schulr euch strassen
 
lassn.
 
 
Wer nicht wil ein gehn den inhalt /
 
Der pack sich von der Schule bald.
 
Er sold die Schüler vnd Platz meidn/
 
Vneinig Gselschafft sol man nicht leidn.
 
Werd ihr euch halten nach der Lehr/
 
Ihr werdt des Fechtens haben Ehr.
 
 
Ey ich bin jetzt nun fein bericht/
 
Durch aus ich mich nun euch vorpflicht/
 
Wil euch auch meinen Meister nenn/
 
Wolt mich für ewren Schüler kenn.
 
Ich wil euch thun gar kein vordreis/
 
Lernt mich das Fechten nur gewis.
 
Was ihr als denn begert fürs lohn/
 
Sol euch gereichet werden schon.
 
Nun wie gefelt euch jetzt der strich/
 
Meister ich durch aus gar nicht weich.
 
Das springen steht mir zimlich an/
 
Wil aber sonst künstlich zuschlan.
 
 
----
 
 
Ich wil euch jetzt noch mehr stück weisn/
 
Das man euch sol ein Fechter preisn.
 
Mein Schwerd thu ich jetzt auff heben/
 
Haw durch aus vnten oder oben.
 
Denn gar recht Fechter brauch treib ich/
 
Vnd könt also probieren mich.
 
Aus recht artlicher Meisterschafft/
 
Auch aus der rechten Künsten krafft.
 
Hierzu brauch ich auch das Rappir/
 
Stumpff/ scharff/ wie mans begert von mir.
 
Damit thu ich mein Feinde putzen/
 
Vnd auch mein Leib damit zu Schützn.
 
 
Ietzt habt ihr nun mehr gantz vnd gar/
 
Die Fechtkunst weg/ sag ich vorwar.
 
 
----
 
 
Ihr werd nun geben mir mein Lohn/
 
Ich wil forth/ denn ich mus daruon.
 
Ich möchte sonst zu lange sein/
 
Der Weg ist lang bis hin an Meyn.
 
MEister/ da habt ihr ewren Solt/
 
Weil ihr denn nun mehr gar fort wolt/
 
Nempt auch für gut was ich euch gthan/
 
Im zurück ziehn/ sprecht mich widr an.
 
Doch sagt mir vor/ wie ich zu mahl.
 
Schul zu halten anschlahen sol.
 
 
----
 
 
ICh thu euch aber jetzo eben/
 
Auff die Frag richtig antwort gebn.
 
Ettliche Keyser an der Zahl/
 
Dieselben haben allzumahl.
 
Die Marcus brüder thun begabn/
 
Mit Schild vnd Helm/ die wir noch habn.
 
Durch Ritters that von ihn bekomn/
 
Nenten vns Marxbrüder die fromn.
 
Gaben vns auch die grosse macht/
 
S. Marx zu führn mit schönem pracht.
 
Vnd auch den Lewen wol bericht/
 
Das erlangt kein Fedr Fechter nicht.
 
 
DAs sie sich abr des Greiffen rhümn/
 
Sind sie hierin gar viel zu kühn.
 
Denn ein Herzog von Mecklenbergk/
 
Hat nicht mehr denn einen/ dis merck/
 
Der sich im Fechten gehalten wol/
 
Geben den Greiff/ den er führn sol.
 
Vnd sonst kein Feder Fechter mehr/
 
Habn nun mehr des Greiffs kleine Ehr.
 
Weil sie hierein haben geirrt
 
Vnd sind nicht Priuilegirt.
 
Noch mehr thun sie sich vnderstahn/
 
Lassen ein offnen Helm machen.
 
 
----
 
 
Führen den in ihrem anschlag/
 
Mein Feder Fechter dis mir sag.
 
Wo her ist dir die macht gegebn/
 
Wer hat dich gewapnet/ sag mirs ebn.
 
Du wirst nun mehr mit keinem Newn/
 
Vns vortreiben/ den starcken Lewn.
 
Denn er hat Keyserliche freyt/
 
Last ihr den Lewen vngeheidt.
 
ALso habt ihr den anschlag fein/
 
Nempt ihn nur recht in sinn hinein.
 
Wann ihn nun aus rufft ewre Schul/
 
Lernt diese Vers/ vnd braucht sie wol.
 
 
ICh schwing mich auff in Gottes glück/
 
In diesem Kampffplatz offt vnd dick.
 
Das Greiffen Gschlecht/ mus heint heruntr/
 
Wir Marxbrüdr sein fein friseh vnd muntr.
 
Mit euch zu Fechten ist mein frewd/
 
Frisch her/ ihr Fedr Fechtr es ist zeit.
 
Ob man mir gleich wolt jamer sagn/
 
Wie ihr mir wolt stössen vnd schlagn/
 
Ich fürcht nicht / wie wilt ihr mügt sein /
 
Ist doch ewer Haut so weich als mein.
 
Werd ihr mich treffen / ich lass geschenhn/
 
Werd ich ewer fehln / ich solts wol sehn.
 
 
----
 
 
Ein anders.
 
Dv edler Lew schwing dein Kraus haar/
 
Nim dir des Greiffen eben war/
 
Der mit seim stoltzen muth vnd pracht/
 
Die gfreyte Marxbrüdr all voracht/
 
Den soltu für dir hawen nidr/
 
Vnd zu reissen all sein gefidr/
 
Das ihn sein Gesellen müssen weg tragn/
 
Die wolln wir auch auff die Köpff schlagn.
 
JEtzund seid ihr berichtet fein/
 
Ich gdenck ihr werdt zu frieden sein/
 
Mit der Lehr die ich auch gethan/
 
Ich wil nun mehr auff vnd dauon/
 
Braucht nur die Kunst fein Ritterlich/
 
Ich ziehe dahin/ Gott behütt euch.
 
Ich thu euch hieuor jetzt danck sagn/
 
Ich hab lan fertig machn den Wagn/
 
Da farth ihr mit mir in die Stad/
 
Hab ichs euch doch vor zugesagt/
 
Ihr dürfft ja eilen nicht so hardt/
 
Jtzundt wolln wir sein auff die farth/
 
Wir fahren gar geschwind hinein/
 
Ey nun/ wann es denn ja sol sein/
 
So fahre ich mit euch dauon/
 
Vnd geb dem Kutzschn Trinckgelt zu lohn.
 
 
----
 
 
NVn Kutzch span an/ vnd fahr nur sacht/
 
Wir kommen doch wol nein vor nacht/
 
GOTT geb vnd auff die Reis viel glück/
 
Hört/ wann ihr werdt ziehen zu rück/
 
Vnd seit zum Meister wordn geschlan/
 
So mögt ihr mich frey sprechen an/
 
Vnd zu mir in mein Haus einkern/
 
Ich wil euch Herbringen vnd ehrn.
 
Wil ewer durchaus nicht vorgessn/
 
Zur notturfft geben trinckn vnd essn.
 
Wil ewer so warten vnd pflegn/
 
Darnach euch in ein gut Bett legn.
 
ICH sag euch nun mehr grossen danck/
 
Für ewer Fuhrwerg/ Spies vnd Tranck.
 
Als bald ich wider zieh vom Meyn/
 
So kehr ich wider bey euch ein.
 
 
Christoff Rösener / Meister
 
Des Schwerdts.
 
 
Wann wüchsse Laub vnd Gras/
 
So gschwind als Neit vnd Hass/
 
So hetten Schaff vnd Rindr/
 
All Jar ein guten Wintr.
 
M.I.F.
 
 
----
 
 
Nun folget der Gesang der
 
Ritterlichen Fechtkunst/ ihren Vr-
 
sprung/ Fundament, vnd begriff
 
aller heimeligkeit.
 
In der Henne weis Wolfframs / oder
 
Pentzenawers Thon.
 
 
VOn Ritterlichen Künsten/ so wil ich heben
 
an / Singen mit der Fechter günste wie ichs
 
Gelernet han/ Bitt auch ihr Meister alle / Ihr
 
wolt mich recht vorstan/ Vnd last euch nicht mis-
 
fallen / was ich getichtet han.
 
Mein Schwerd hab ich erhaben / nach Kün-
 
sten Meisterlich/ Haw vnten oder oben/ den rech-
 
ten brauch treib ich/ Vnd wil dich auch probieren /
 
Aus rechter Meisterschafft/ Schweche vnd sterck
 
vorführen/ aus rechter Künsten krafft.
 
WEm muth zu fechten were/ der neme sein
 
Schwerd in die hand/ Das Wort (in des) schneit
 
Sehre / dem es ist recht bekandt/ Vnd wer erschrickt
 
gerne/ das ist mein bester Rath / Das er nicht
 
Fechten lehrne/ denn es übel anstath.
 
Nun merckt (in des) das Worte / da alle
 
Kunst an ligt/ Zornhaw dgeht mit orte / behend
 
 
----
 
 
aus langer schneid/ Aus Gülden kunst ich treibe /
 
den Flügel ins hangend orth/ Im Triangel nicht
 
bleibe / des Püffels nicht erwart.
 
Dabey soltu auch mercken / die zwey vor vnd
 
nach / Darzu schweche vnd stercke / einlauffen sey
 
dir nicht jach/ Dein Schwerd zu beiden henden/
 
die Zeckruhr nicht verlass/ Treib die stück behende/
 
So findestu ihn blos.
 
Scheitelhaw der Kunst ortte/ den Schilhaw
 
nicht durch lauff/ Vnd die eiserne Pforte/ fürbas
 
So merck auff / Wiltu von dannen tragen/ den
 
Meisterlichen Krantz/ Vier hütten mustu haben /
 
gehören auch an Tantz.
 
Die wil ich dir jetzt nennen/ so soltu sein be-
 
richt/ Ochs/ Alber/ Pflug/ lern kennen / Von
 
Dach auch nicht vornicht/ Die viere soltu fech-
 
ten/ vnd dauon halten allein/ So hastu die Ge
 
rechten / vnd pfleg die in gemein.
 
Viere sind die vorsetzen/ vnd vier blos an den
 
Man/ Die viere auch sehre letzen / ein stück heist
 
man die Kron/ Wiltu dieselb vortreiben/ nim den
 
Schnid für die Hand / Die Kron mag nicht lang
 
Bleiben / ist dir der Schnit bekand.
 
Der Krumphaw ist noch hinden/ die zwerch
 
vnd auch der schnit/ Im Duplieren lerne finden /
 
 
----
 
 
Mutieren nim auch mit/ Durch wechssel ich dir sa-
 
ge/ trit nahen an den Bund/ Weiter darffst du
 
nicht fragen/ wiltu nicht werden wund.
 
Durch fehler ich dir rathe/ die hengen hab
 
In Hutt/ Das sprechfenster so drate / einwinden
 
Ist auch gut/ Von beidn seittn absetze/ sein schwerd
 
Mit deinem Schild/ Nach reisen auch sehr letzet /
 
der gegen dir ist mildt.
 
Ob man wird weiter fragen/ wer das ge-
 
dichtet hat/ Das darff man ihm nachsagen/ Er
 
heist der Paulus Roth/ Das Lied das thut er
 
schenken/ Eim Fechter wolgemuth/ Christoff Rö-
 
sener zugedencken/ der nams von ihm vor gut.
 
Vnd solt er alles rechnen/ was in der Kunst
 
Mag sein/ Sein Kopff möcht er zerbrechen/ Er
 
Trinkt gerne Wein/ Er bitt die Edelen Fechter/
 
woln ihm nicht für übel han/ Ob er ihn nicht
 
thet rechte/ dann er nicht tichten kan.
 
 
----
 
 
Vnderrichtunge auch
 
nützliche anweisung des Fechtens /
 
sampt dem gantzen Fundament im
 
Dussacken.
 
 
MIt dieser Wehr reich weit vnd lang/
 
Dem Haw für sich vberhang/
 
Mit deinem Leib/ darzu tritt ferr/
 
Dein Haw führ gwaltig vmb ihm her/
 
Zu all vier enden/ las die fliegen/
 
Mit geberden/ zucken/ kanst ihn btrie-
 
gen/
 
In die sterck soltu vorsetzen/
 
Mit der schwech zu gleich ihn letzen/
 
Auch neher soltu kommen nicht/
 
Dann das ihn langest mit eim tritt/
 
Wann er dir wolt einlauffen schier/
 
Das vorder orth/ treibt ihn von dir/
 
Wer er dir aber glauffen ein/
 
Mit greiffen/ ringn/ der erst solt sein/
 
 
----
 
 
Der sterck vnd schwech nim eben war/
 
In des/ die blös/ macht offenbar/
 
Im vor/ vnd nach/ darzu recht trit/
 
Merck fleissig auff die rechte zeit/
 
Vnd las dich bald erschrecken nicht.
 
 
Ende.
 
 
----
 
 
Gedruckt in der Churfürst-
 
lichen Stad Dreszden/ durch
 
Gimel Bergen.
 
 
ANNO 1589.
 
  
 
== Gallery ==
 
== Gallery ==

Revision as of 05:01, 19 January 2021

Ehrentitel und Lopspruch der Fechtkunst
Honors and Praise to the Art of Fencing
325x325px
Title page of the 1589 edition
Full title Honors and Praise to the Free
and Chivalric Art of Fencing
Author(s) Christoff Rösener
Illustrated by Hans Kellerdaller
Dedicated to Wentzelao von Schmirsitzki
Language Early New High German
Genre(s) Fencing manual (?)
Publisher Bimel Bergen
Publication date 1589
Pages 44 pages
Treatise scans Digital scans (1589)

Ehren Tittel und Lobspruch der Ritterlichen Freyen Kunst der fechter ("Honors and Praise to the Free and Chivalric Art of Fencing") is a German fencing manual written by Christoff Rösener and printed in 1589. This treatise is written in the form of advice given by Rösener to a young student of fencing. It is largely devoted to a historical account of the art of fencing, tracing its origins back to the classical period in Greece and Rome, and of the history of the Marxbrüder fencing guild, of which Rösener was a member. In addition to his historical teachings, Rösener describes the necessary qualities of a fencing master and also touches on the principle techniques of Johannes Liechtenauer's art. One other interesting note is that Rösener also copied segments from the poetry of Hans Sachs.

Publication History

Only a single contemporary edition of Rösener's work ever seems to have been published, the 1589 printing by Bimel Bergen in Dresden, Germany.

In 1870, Dr. Karl Wassmannsdorff reprinted some version of Rösener's text in a compilation work entitled Sechs Fechtschulen der Marxbrüder und Federfechter: aus den Jahren 1573 bis 1614; Nürnberger Fechtschulreime v. J. 1579 und Rösener's Gedicht: Ehrentitel und Lopspruch der Fechtkunst v. J. 1589.

Gallery

[Images available for import]

Additional Resources

References