This page needs to be proofread.
Zur 15. figura, explicatio der Halben Hufte
In dieser folgenden figura gedenckt der Autor erstlich des einwindens des rechten Schenckels vnd der halben huften, das einwinden ist also, wen mich ein ander angreifft beÿ meinem arme, das ich alsbald meinen arm vmbwinde, vnd mich von seinem griffe loß mache, es seÿ mit beiden henden oder nur mit einer, vnd greiffe ihm wiederumb an, ziehe mit einer hand zue mir seidlinges, vnnd scheube mit der andern hand hernach, vertrete ihn auch mit dem rechten schenckel, vnd werffe ihn vber die halbe hufte zue boden, wie diese folgende figura augenscheinlich ahngezeiget, kan auch zue beiden seiten gebrauchet werden, wie beiden vorigen figuren zum offtern mahl gemeldet ist.
