Zuer .43. figura explicatio vom Bruch auf die Hohe Huffe.
Beÿ dieser figura gedenckt der Autor des hineinspringens oder hineintretens mit dem schenckel wie er in der 24. figura dociret hat, alhie aber lehret er das wiederspiel, vnd demonstriret, wen ihn ein ander solches ihm will, wie ihme zue begegegnen seÿnemlich im hineinspringen oder treten, ergreifft er seinen kegenteil beim rechten schenckel vnd beÿ der lincken achsel, trit aber mit seinem lincken schenckel hinter des kegenteils huffen hebet mit der rechten hand vber sich, vnd mit der lincken hand zeugt er seidlinges wied‘werts doch nach dem gewichte vnd fellet ihn zur erde, ich hielte es noch fur gewißer das er dieser figura die 5. oder die 39. entkegen setzete, auf dieselbige art mochte der kegenteil soviel desto ehr zur erden gebracht werden, wie beÿ denselbigen figuren wohl muge gesehen ist, nicht notig alhie zue wiederholen.
