Page:2º Cod.MS.Philos.62 58v.jpg

Zur .56. figura explicatio vom Bruch vor die einlauffende huffe

In dieser figura leret der Autor, wie man die einlauffende huffe weren soll, vnd brauchtt alhie auch mit seiner lincken hand ein notgriff an seines kegenteils gemechte, vnd mit seiner rechten hand, hebet er dem kegenteil seinen rechten schenckel in die hohe, vnd fellet ihn also vber seinen lincken schenckel zur erde, wen man aber zue dieser figura nicht fuglich oder mit vorteil komen kan, sol man die 5. oder die 39. figura kegen die halbe huffe gebrauchen, somit kan man die einlauffende ganze vnd halbe huffe gar leichtlich weren.