Nota..
Item Hebt dich einer bei dem goller, so kere dich auff dem linngge seitten, nnd stoß ine mit der rechten hannd in seinen elenbogen, und trit mit deinem linnggen für ine, so stostu ine aufs maul, das geet von beden seitten.
Ein Rinngenn
Item Rinngstu mit einem unnd sichst das er dich schlagen will, so leg deine bede hennd auf den bauch unnd gee fasst auf ine, schlecht er die dann nach dem angesicht, so fare auf mit deiner rechten hannd unnd fahr den schlag in offne hannd unnd trit ime dann ein alls hernach steet.
Nota.
Item So du ime den schlag hast aufgefanngen mit deiner rechten hannd, so trit mit deinem rechtenn fusse tief hinndter seinen rechten fußen die zwirch, so würfstu ine auf den ruggen.
Nota.
Item Schlecht die ainer nach dem Angesicht so stoße ine mit deiner linnggen geraden fausst unndten an sein goller unnd fall ime mit dem rechten arm
