Wiktenauer logo.png

Page:Cod.44.A.8 024v.jpg

From Wiktenauer
Jump to navigation Jump to search
This page has been proofread, but needs to be validated.

Merck wenn du mit dem zü fechten zw° ÿm kumpst Stet er denn gegen dir vnd helt dir den langen ort gegen dem gesicht oder der prust So halt dein swert an der rechten achsel vnd schil mit dem gesicht zu° dem ort vnd thu°e als dw ÿm dar zu° hauen wöllest vnd haw starck mit dem schilär mit der kurtzen schneid an sein swert vñ scheus ÿm den ort do mit lanck ein ze dem hals mit einem zw° tritt des rechten füess ~

Das ist der text vnd die glos aber eins stucks aus dem schil haw

Schil zw dem oberñ
haupt hend wildw bedöberñ

Glosa Merck das ist ein ander pruch weñ er gegen dir stet in dem langen ort So schil ÿm mit dem gesicht zw° dem haubt vnd thu°e als du in dar auff wöllest sla schlachen vnd schlach in auß dem schilhaw mit dem ort auff sein hend ~

Hie hebt sich an der text vnd die glos von dem schaitelhaw

Dm schaitlär
dem antlutz ist gevär
Mit seiner ker Der prust vast gever
was von ÿm kumpt
Die kron das