Oder würf in mit dem vor geschriben ringen Also suech deine vortail geleicher weiß in allen plössen die oder ander nach deiner vernüft ~
Das ist der text
In aller ler
den ort gegen der plöss ker
Glosa merck das ist das du nÿndert solt an setzen den ort denn zu° der plöss oder do der man zu° gewinnen ist vñ du dich nicht vorgebst aus der wag
Das Ist der text
Wo man von schaiden
swert zucken sicht von in paiden
do sol man stercken
die schutten recht eben mercken
Glosa merck das ist wenn Ir nu chu~men seit von den spiessen vnd paid swert habt so sterck dein swert also hab deins swertz hanthab mit der rechten hant vnd mit der lincken hant vorñ das swert nahent mitten in der clingen vnd gee auf den man vnd süech In mit schlegen vnd an setzen Schlecht er auf dich mit seiner kloßen vor setzt mit halbem swert den schlack vnd setz den ort Im wider zu° den plössen zu° dem visir zu° der prust oder vnden zu° seiner voderñ hant vnd merck eben die schütteñ Wenn du an ferst mit deinem swert das du recht vñ hochgenüg
