Page:Cod.Guelf.1074.Novi 09r.png

fallung des Tussecken auf der Rechten seitten vnnd sich behendt niderbücken vnnd In bey dem fuss erwischenn vnnd auffs behendest stürtzen. Oder aber auf den fuss tretten vnnd auff der andern seitten geschlagenn.

6 Mitt dem Rechten fuss fürgestanden, vnd In der höch mit der versatzung gelegenn Der ander aber geet oder Laufft mit dem stich auff Ihme, vnd schlecht mit kurtz schneid von vnden auff der hand oder faust zw oder schlag Im den Tussecken aus der handt, vnd schlach darnach von Dach zw.

7 So einer starck auf dich schlecht So lauf Ime Ein mit versatzung In der höch mit fürtretten des rechten fusz vnd verfall gegen Ime an der Rechten seitten In sein anschlagenn, vnd schlach flucks zw auff der andern seitten.