9 Pruch. Ist eben wie der 7 straichen
So einer starck auf dich schlecht, so verfal Im anbinden, auff die recht seitten nach seim straich, vnnd schlach darnach mit fürtretten des lincken fuss vonn derselben seitten vonn dach.
10 Oben anbunden mit kurtzer schneidt dem gesicht zugestossen vnnd mit geschwinder verfallung ann der Lincken seitten auf behendest zwgeschlagenn desgleichen magstw auch auff der Lincken seitten verfallenn.
11 Darnach magstw auch brauchen ein einlauffen mit kurtzer schneid vonn vnten auff gestrichenn, auff beiden seitten mit vollem straich des Tusseckens auff die seitten geschlagen.
12 Darnach mit verfallung nach seiner verfallung, auch auff beyden seitten vnd straich.
