Durchlauffen las langen mit dem hengen mit dem kopff und greiff wiltu ringen und wer gegen dir streicht sterkhe durchlauffen damit merkh.
Die ausrichtung von dem abschneiden
Schneid die hänte von unden baiden gfert 4 seindt der schnidt 2 unden 2 oben mit.
Von den hend trucken
Das schwert binden zu der flech trukh in die hand von dir dein schneid wend zu der flech durch die handt.
Von den 2 hengen die ausrichtung
Zwai hengen werden auf ainer hand von der andern in allen gfert hauw, stich, leger waich oder hart in dem? gfert.
Von den sprechfenster die ausrichtung
Das sprechfenster mach stehe frolich und sich sein sach wer sich von dir ziechet abget schlagen dz er schnabe thuet er sich gegen dir raisen schlagen dz er seisse. Das ist die ausrustung und die beschliessung de gantzen kunst, wer wol ficht und ernstlich bei?? etlichen in derien wer recht wol langen und windet, damit es bringet marhor? ?? rechten bewachten, und ainer der da windet, und 23 seind der winden, und 4 zal mit versetzung, von baiden seitten oder winden vermit schreitten tritt, und brieff das gfertr ob sei seind waich oder hart, also ender sich Maister Liechtenauers kunst des langen schwerts.
Oberhau, zornhauw, zorn ort, der Krieg hauw, die 4 blos, krumhauw, zwerch hauw, ochs und pflug, schileher hauw, schaitler hauw, die 4 leger, die 4 versetzen das nachraisen, uberlauffen, absetzen, abschneiden, zwai hengen, dz sprechfenster die kron, die stukh des schwerts Johannes Liechtenauwer.
Die 7 Maister hauw.
Der zornhauw, der krumhauw, der halbhauw, der kreitzhauw, der zwerchwechsel, der schaitelhauw, der kronhau
