Page:Cod.Pal.germ.430 058v.png

Item hatt dich eyne gefast alz vier vor dy weill er aber greuffen wil nach deyner achselen alz vor So far mit deynem ^rechten lincken armen aussen starck uber seynen lincken außbendigs yn das gelenck und olpogen auff seyn lincke seytten und schreyt mit dem lincken fuß hynter seynen rechten und druck yn dar uber

Wiltu ablauffen
Von payden seytten soltu wayffen

Hye lertt der meyster aber eyn hawbt stuck und sagt wye dw ym messer absolt lauffen und spricht wiltu ablauffen etc. Daß soltu alzo verstan wenn dw ym zw vechten zw ymb kumbst vnd hast nohent zw ym mit dem an pynden wiltu den ablauffen mit dem messer so soltu da mit bayffen alz dy frawen wenn si daß garen abwynten oder wayffen