Page:Cod.icon. 393 I 005r.jpg

tribuere historiographi videntur, qui tribus continuis diebus triginta paria Athletarum confligere mutuis certaminibus more Athletico curavit in palaestra. Quum igitur in locis consuetis pugiles, atque ipsorum discipuli convenissent, ordine sicuti fortes et peritos Athletas decebat, omnis generis arma humi disposuerunt, quod et hodie in usu remansit. Post eorum, nômina papyro inscripta in urnam iniecta sunt, et qui simul educti essent duo aitem una educebantur sine fraude, ii mutuo congrediebantur, atque pro brabeo interse artificiose et more Athletico pugnabant. Quorum alii Herculeum alii Mercurium, alii vero Pollucem et Castorem, et alii alios invocacere, ut sibi in Gymnicis certaminibus contingerent Athletae periti, impolluti, atque ab omni fraude alieni; quaecerta et manifesta sunt iuditia, qui veteres magis propter temperatos moderatosque mores, tum propter ipsam virtutem concertarint, quam ob alias res acquirendas. Quapropter Palestrae concertantium in honorem artis Athleticae, amplis diutius aulis et aedibus necnon ambulacris ornatissime adpingebantur, quique obtinuerint victoriam eleganter descripti: inter quos primas tenuit Neronis libertus, qui palaestras adhibitis Athletis Antii, elegantissime depingi curavit.

Neque vero Philosophos eruditissimos puduit Athleticam didicisse exercuisse, atque ea de re volumina aedidisse, quorum primus exixtimatur Pythagoras Athleta peritissimus fuisse, dicitur enim obtinuisse victoriam pariter cum suis pugilibus Olympiade XLVIII. Cuiusmodi multi alii fuere Philosophi, quorum hoc loco meminisse supervacaneum esse videtur.

Cicero' aliubi Athleticam ad caelum usque sustulit cum inquit: “omnino