Wiktenauer logo.png

Page:Cod.icon. 393 I 073v.jpg

From Wiktenauer
Revision as of 02:40, 12 December 2018 by Michael Chidester (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Ex corona incisio adiuncto subito concursu.

Quando prope ad adversarium accesseris sinistrum pedem si praefixeris, statim dextro insequitor, et contra latus eius ictum infernum brachiis in crucus modum constitutis ferito. Et si is tuum latus sinistrum eodem modo adpetat te dextro pede innitente, tum manum sinistram ab ense removebis, atque eius ensem inversim apprehende ita, ut mucro ensis adversarii sub axilla tua remaneat sinistra. Interea autem manu dextra ensem tuum supra capulum ipsius acie brevi utendo si impuleris, incisionem, qua hostis adversus te intendit in corona intercludes, simulque gladium ex eius manibus extorquebis. Porro si eadem is usurpet contra te, tum sinistrum pedem eius dextro praeponito, manum laevam ab ensis tui capitulo separato, eaque medium ensem si apprehenderis, retrorsum hostem perstringendo abigito.