You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Der Altenn Fechter anfengliche kunst (Christian Egenolff) 1531-1537.pdf/12"
(→Not proofread: Created page with "Zwir mit der sterck /<br/> Dein Arbeit damit merck.<br/> Zwir zu dem Pflug /<br/> Zu dem Ochsen ghört fug.<br/> Was sich wol Zwiret /<br/> Dem haupt mit spring...") |
(No difference)
|
Revision as of 03:32, 29 November 2018
Zwir mit der sterck /
Dein Arbeit damit merck.
Zwir zu dem Pflug /
Zu dem Ochsen ghört fug.
Was sich wol Zwiret /
Dem haupt mit springen gfiert.
Feler verfüret /
Nach wunsch er rüret.
Verkerer zwingt /
Durchlauffen auch mit ringt.
Den elnpogen
gewiß nim / unnd spring in die wag /
Feler zwifach /
trifft man den schnidt mitt macht /
Zwifach es fürbaß /
Schreit in linck / biß nit laß
Von Tach.
Leger dich in die Eisern pfortten mitt geschrenckten henden / Schlegt dir ainer von tach / nim sein streych von tach mit kurtzer schneid / und tritt ihm nach mit langer schneid.
¶ Bruch.
Treib den Fehler auff ihn / so er ligt in der Eisern pfortten / so verfert er umbsunst / und blößt sich.
Uberschiessen.
Leg dich wi vor / mit geschrenckten henden / und tritt mit der kurtzen schneid übergeschossen auff sein linck ohr / unnd verwend dein hend und schlahe mit der langen schneid nach.
¶ Bruch.
Wann dir einer die kurtz schneid überscheußt / so wennde den streych ab / se kompt dir streych wider wider streych / und gleiche arbeit.
Uberlauffen.
Wer unden raubt /
Uberlauff den / er würt beschampt.
Wann es glitzt oben /
So stand ab / thu ich loben.
Dein arbeit mach /
Oder hart truck zwifach.