Wiktenauer logo.png

Page:Der Altenn Fechter anfengliche kunst (Christian Egenolff) 1531-1537.pdf/57

From Wiktenauer
Revision as of 02:02, 7 December 2018 by Michael Chidester (talk | contribs) (→‎Not proofread: Created page with "mit gantzem leib in des auff die lincke seitten / so nimbst ihm das messer. '''Ein werffen.''' Ruck mit deinr lincken sein rechte hanndt an dein lincke seit / laß...")
(diff) ← Older revision | Latest revision (diff) | Newer revision → (diff)
Jump to navigation Jump to search
This page needs to be proofread.

mit gantzem leib in des auff die lincke seitten / so nimbst ihm das messer.

Ein werffen.

Ruck mit deinr lincken sein rechte hanndt an dein lincke seit / laß dein messer fallen / In des greiff mit der rechten handt inn sein recht kniebug / wirff ihn also für dich.

Ein Anlauffen.

Durchlauff / Entrüst /
Den elnbogen / reib handt zur brüst /
Recht wiltu umbspringen
Uffrecht arm brich geringe.

Mit dem Entrüsthaw das der daum unden steh am messer / uff der fleche / haw ihm zur rechten seiten zum kopff / mit der kurtzen schneid / truck fast an ihn mit dem ghültz / das die hend an einander rüren / In des laß dein messer fallen / ergreiff das gelenck seiner hand / darinn er das messer hat / reib die umb / unnd nims gewicht mit dem elnpogen / spring in die wage / wirff ihn über dein linck beyn oder hufft.

Bruch.

Nimpt er das gewicht /
Widerumb mach das zu nicht /
In der arbeit mit schnelligkeit /
kunst würt nidergeleyt

Fürkomm was er gegen dir fürnimpt / unn üb es an ihm.

Hat er dein rechte handt also gefasset / weil er dirs gewicht nemen will beim elnpogen / so far gschwind nider mit dem elpogen starck an deinn leib / schnell ihn mit deim messer uff seinn kopff.

Der verborgen Griff.

Einn beschliessen / halten und nöten still zustehn oder lauffen.

Lern arm verschiessen /
Ja künstlich den beschliessen /
Damit du ihn magst füren /
Nöten zu lauffen / oder nit zu rüren.