Die zeckrur nit vermeid.
10.
Tritt nahend in Bundt /
du würdest verwundt.
11.
Vor der hadt / heyßt die lang Schneid /
Selten ein versatzung auff der kurtzen leid.
12.
Erschrickstu gern /
Fechten lern.
Erst Theil diß Buchs.
Wie man fortheyl im langen Schwerdt /
Welchs ein grundt unnd ursprung allen Fechtens / zu beden henden brauche sol.
¶ Das erst Leger würdt genant Hochort oder Ochs / als die Alten woellen / Und würt vil darauß genommen.
Wer dir ober hawet /
Zornhaw dem drawet.
Würt ers gewar /
Nims oben ab one fahr.
Biß stercker wider.
Wind / stich / sihet ers / nims oben wider.
Das eben merck /
Haw / stich pind leger / weych oder hert
In des und darnach /
Anhut dem krieg sei nit gach.
Wes der Krieg raumet /
Oben nider würt er geschamet.
In allen Winden /
Haew / stich / schnid lere finden.
Flügel.
¶ Flügel nim aus der Obern hut oder Hochort / Den Ersten streych von tach zu dem lincken ohr / Den andern von unden mit dem trit deiner lincken seiten. Den dritten streych / hinder sich auff den kopf.
