Ann kopff stellen.
Hab acht / ob du einen hinderwerts mitt dem wammest oder goller erwischen moechtest / hinden am halse / streck den arm vonn dir / so mag er dich nit wider umbgreiffen. Und so er also sich von dir arbeyten wolte / und zoehe / In des gib ihm einn nachtruck mit gemeltem arm / als woltest ihn auffs angelicht werffenn. So er dann sich also des falls besorgend / die hend fürschlegt / gegen der er de / so behalt ihn doch beim goller / und far mit deinr andern hand hinderwerts zwischen seinen beynen durch / ergreiff ihm ein hant / und über ein beyn schwing ihn übersich / so stelst ihn uff den kopff.
¶ Bruch.
Erwischt dich einr also mit dem goller / so buck und wind dich umb / deinen kopff und seinnen arm / damit er dich gfaßt / ann leib hinan / Ergreiff ihm einen schenckel / heb ihn auff über ort
