Estant encore sur la mesme tierce, tu luy pourras porter une quarte au visage, pour l’obliger a parer, & par ceste feinte tu luy donneras un revers sur la teste, ou bien une jartiere, ou bien quelque autre estramasson passant sur ton pied gauche de son coste droict, & s’il pare, & que ton espee demeure en presence, au premier mouvement qu’il fera tu pourras entrer de pointe avec feinte de luy donner un estramasson au bras, ou de droict, ou de revers, & si hurtant l’espee aux dedans il abaisse sa pointe en changeant de posture, il sera frappé de la pointe en l’estomac.
Si tu veux attendre ton ennemy pour l’obliger a venir a toy, & a te porter de droict ou de revers, s’il tire du droict, il te faut parer de la main de l’espee en quarte, en le contraignant avec la pointe comme nous avons dict cy devant.
S’il te porte un revers, pare de la seconde, a fin qu’il abaisse son espee, & de la mesme seconde tu luy porteras en l’estomac.
Si ton
