Wiktenauer logo.png

Page:Discours de la théorie de la pratique et de l’excellence des armes (André des Bordes) 1610.pdf/51

From Wiktenauer
Revision as of 00:39, 3 April 2021 by John Tse (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

car ces deux gardes quarte, & tierce, sont les nefs de nostre art. Plusieurs estiment qu’un gauchier a de lavantage contre un droictier, mais ceux qui ont ceste opinion se trompent, d’autant que je ne treuve autre chose a un gauchier sinon qu’il a tousiours la leçon du maistre de la main droicte & qu’il s’espreuve plus avec un droictier qu’avec un gauchier, la ou le grand exercice, que faict le gauchier avec le droictier luy donne un grand adventage. Mais si tu avois a faire a estramasson avec un gauchier, je veux que tu luy soy tousjours avec les armes en tierce, large au dehors de son espee, afin que venant a luy tirer, il soit contrainct de se descouvrir, (Comme pour exemple) posons le cas qu’un gauchier te tire de pointe, alors il faut parer de ton espee du costé gauche, luy donnant de la pointe en l’estomac, ou au visage. Secondement si un gauchier te tire de taille pourveu que ce soit de droit, il te faut parer de seconde, puis luy tirant un droit a la teste, luy en redoubler un autre pour ta deffensive.