DAS Erst capitel lernd wieman phfortayl prauchen sol im langen schwerdt welchs gnuczt wirt mit payden henden, als sthlachtschwerdt, reydtschwerdt triecker vnd ander vil mer, die ich von kurcz wegen aus las.
Das erst gleger wirdt genant hochort oder ochs als die alten wellen vnd wirdt vil dar ausz gnummen,
wer dir ober haut,
zoren ort dem droet
wirt ers gwar
nim oben ab anefar,
bis sterker wider
wind stich sichtersz oben nim es wider,
das eben mercke,
hau stich pindt leger waych oder hert,
in des vnd darnach
an hurt dem krieg sey nit gach,
wes der krieg raumet,
oben nider wirt er geschamet,
in allen winden
hau stich schnidt lere vinden,
auch soltu mitte,
breufen hau stich oder schnite,
in allen treffen
wildu die maister schwechen.
FLVGEL.
Flugel nym aus der obren hut oder hochort den ersten straych von dach zu dem lincken orden anderen von vnden mit dem trit deiner lincken seytten, den dritten straych hindersych auf den kopff.
PRVCH.
Flugelt dir ayner zu, versecz den ersten von dach, den anderen steck von vnden mit deiner langen schneydt vnd greyff mit deyner lincken handt anseyn schwertzknopff, so virfstu yn vber seyn schwert.
