Wiktenauer logo.png

Page:Ergrundung Ritterlicher Kunst der Fechterey (Andre Paurenfeyndt) 1516.pdf/41

From Wiktenauer
Revision as of 01:17, 22 January 2020 by Michael Chidester (talk | contribs)
Jump to navigation Jump to search
This page has been proofread, but needs to be validated.

Neben Hut

Wan du mit ainem fichst / und nahendt czu ym kumst / so ste mit dem lincken fuß vor vnd leg das schwerdt mit dem ort auf die erdt czu deiner rechten seitten / das die lang schneid oben sey daß get czu paiden seitten

Stuck aus der Neben hut

Haut dir ainer oben czu / oder sunst wo eß sey / so haw du ym krump ein zu der pleß mit ainer auß trit

Ain Anders

Treib den verkerer ein mit dem ort czu seinem gsicht / vnd wan er anpindt / so sterk mit der langen schneidt / vnd magst alle stuck treiben die vorgeendt seindt in dem streichen

Auß legung deß Racz

Wan du mit ainem fichst / so streck dein armm lang von dir / und daß dein daum oben pleib auff dem schwerdt / und wendt daß schwerdt von dir mit dem ort / darmit du auftreiben magst / von vnden auff deiner lincken seitten behendt / und gee czu dem man / dar auß magstu auff welche seitten du wildt durchwechslen / oder waß stuck dir fuglich ist / den pfortail nach

Twer Hew prechen

Wan du stest in der hut vom tag / und ainer auf dich haut mit der twer / so haw den zorenhaw gleich mit ym ein vnd pindt ym starck mitten auff sein schwerdt und wil er vmschlahen mit der twer / so twer ym voren czu seinen halß / auch magstu alle stuck treiben als in dem streichen