Czwelff regel las dich nit verdriessen
Aus den mag dir gros kunst endspriessen.
Die Erst
Welcher fusz fornn stet sei pogen
Der hinder gstrakt czirt den leib oben
Die Ander
Hoch gfochten mit gstracktem leib
Gwaltig possen ausz der leng treib
Die Drit
Straich vnd trit mit einander
Vnd secz dein fusz widerainander
Die Virt
Wer trit nach hewen
Der darff sich kunst nit frewen
Die Funft
Merck was die flech ist
Ficht nit linck so du recht pist
Die Sechst
Such schwech vnd sterk
Indesz das wort eben merk
Die Sibendt
Prieff waich oder herdt
Nach raysen sey dein gfert
Die Acht
Streich for vnd nach
Eynlauffen sey dir nit gach
Die Neundt
Ficht nahendt beym leyb
Die czeckrur nit vermeidt
Die Ⅹ
Trit nahendt in pundt
Anderst du wirst verwundt
Die Ⅺ
Vor der handt haist die lang schneidt
Selten ein versaczung auf der kurczen leid
Die Ⅻ
Erschrickstu geren
Kain fechten leren
