Page:Escrime Novvelle ou Theatre (Nicoletto Giganti) Book 1 1619.pdf/9

finalement pour la manutention de l’honneur. Et ne se doibt iamais appliquer au tort ou à l’iniustice, ains seulement à la defense d’vne iuste cause. Et celuy qui pretend de defendre vne cause iniuste, fait iniure aussi mesme à ceste profession. Et ne permettrà iamais homme de bien qu’il soit contrainct de s’entremesler en quelque querelle iniuste; ains se hazarderà volontiers pour la defense de la iustice, & principalement es occurrences sus dictes. Ioint qu’il fault qu’il yayt quelque iuste occasion ou raison. Car de combattre sans raisfon est le faict des fols & des iurognes.

Il y a aulcuns, lesquels ayants acquis quelque commencement en ceste science, se mettent l’espee au costé, & sont mil insolences d’arrester, d’irriter, blesser, voyre de tuer aulcunes sois vn passãt, se faisant à croire, que c’est vn moyen de s’acquerir reputation ou de se faire redoubter: mais ils se trompent grandement, car oultre ce qu’ils font tort à l’excellence de ceste art, laquelle ne se doibt iamais deployer sans raison, ils offensent Dieu, & ne s’acquierent aultre chose qu’vne iuste haine & de Dieu & des hommes. Ie ne seray plus long pour n’ennuyer le Lecteur, seulement l’exhorte les nobles esprits, de prendre garde aux tresbelles leçons & obseruations de nostre Auteur, & s’y exercer diligemment, asseurez qu’ils y profiteront en peu de temps: & qu’ils se gardent d’en abuser, ains s’y comportent en sorte qu’ils en ayent louange & honneur.