Eine ficta im Rapier vnd Dolchen gegen dem Gesicht zustossen, da das Rapier vber die Spitze des Dolchens gewendet wird.
Figur 35.
WAnn jhr Gegenth. einen Stoß ins Gesicht wolt geben, muͤst jhr nachfolgende fictam gebrauchen, welche zwar etwas schwer, aber auch sehr schoͤn ist. Setzet an Gegenth. auff der seyten des Rapiers mit der Spitzen auff der rechten Seiten nach dem Gesicht gehalten: vnd wartet also ob er stossen, oder sich zum versetzen in der Huth halten will, vnd da er in der Huth bliebe, so last euch an als woltet jhr jhm nach dem Gesicht stossen: vnd da er versetzet so wendet jhr die Faust, vnd die Spitzen des Rapiers vber Gegenth. Dolchen, vnd stosset also fort, so trefft jhr jhn ehe er es gewahr wird, wie er sich dann auch gantz entbloͤst. Nach gegebenem Stoß, weichet jhr widerumb zuruck, wie droben vermeldet.
