This page needs to be proofread.
Wie man im zuruck weichen mit dem Dolchen versetzet.
Figur 37.
IHr solt euch in vorgemeldter Huth halten, vnnd den Leib kuͤnstlich vorbiegen, daß der Dolchen nach der Huth Gegentheils Rapier gerichtet sey, vnd so jhr im Maß, sehet daß er euch die Spitze beut, solt jhr mit dem Dolchen versetzen, vnnd euch gleich mit zuruck begeben, daß jhr den vorgesetzten Fuß zuruck ziehet: das Rapier aber zum schlagen fertig halten, wie jhr in der Figur sehet, dann so jhr fest stehet, vnnd ewer Rapier frei habet, koͤnt jhr viel verrichten ehe er widerumb in seine Huth kompt: Sintemal, weil er einen langen Stich fuͤhret, vnd seinen Leib muß senken, so habt jhr gnugsame Zeit zu thun was jhr woͤllet.
