ten zu ruck durch, das dein vorder orth gleichsfals wi vor, uber dein Kopff umbstürtze, damit das vorder orth gegn des Manns gesicht stande, laß als dann andersmals gegen deiner Lincken ablauffen, unnd hauwe von einer seitten zür andern, biß du auff dein fürgenommen platz kommest.
Krumphauw.
KRumphauw wirdt also gemacht, umbgreiffe dein handthab am Dusäcken wol, also das die Krum schneid im hauwen vorgang und treffe, hauwe als dann von Oben, oder Unden mit Krummer schneid nach gelegenheit.
Kurtzhauw.
KUrtzhauw im züfechten, wann du gewahr wirst, das er vo Oben hauwen will, so hab acht in dem er mit seim Dusäcken zum Hauw auffgehet so zucke under des dein Wehr gegen deiner Lincken Achsel, von dannen hauwe mit ihm zügleich mit kurtzer schneid Uberzwerch, oberhalb seim Arm zum gesicht durch, das dein offene hand im hauwen ubersich stand, so nimbstu im sein streich, und triffest zügleich rc. Auch ist Kurtzhauw zün zeiten Kurtz under seiner Wehr durchfahren. Dauon du im Schwerdt gelehrt bist.
